話說我睇錯左新聞資料，
散播左假消息，
係度再次道歉！
呢件事令我諗起好多爸爸媽媽話小朋友做錯事唔肯道歉，應該點算好。
好多時我會問返家長，
如果佢道左歉，之後會有咩後果？
又或者平時做錯嘢，屋企有無人會嚴厲指責？
我咁問，好明顯想知要無人已經錯誤地訓練到小朋友覺得做錯野好大鑊，認錯道歉都好大鑊啦！
然後又會引導家長一齊諗下，
作為父母作為小朋友第一個學習榜樣，
你地又有無道歉既習慣呢？
係學校，我會係小朋友面前特登講錯野同做錯野，
然後有禮貌咁道歉，
問小朋友會唔會原諒我，
愛心爆棚既小朋友一定原諒我既，
大家笑下，事情就會過去。
鼓勵大家係屋企可以試下搵機會示範道歉，
又或者係自己真係做錯事既時候道歉，
小朋友細，我地先教左道歉既禮貌同禮儀；
小朋友再大d，我地可以同佢討論埋自己既感受同對方既感受；
小朋友再成熟少少，我地再教道歉既意義再講真心唔真心，
我地都明白做錯事，
無論真心唔真心都需要道歉，
「死雞撐飯蓋」只會令人愈來愈反感，
只會變成零分。
#好多人無做錯事都需要道歉啦
Search